Manipur Lokayukta-in BJP candidate lakah FIR thehlut turin ngen

Manipur assembly inthlan neih tura inbuatsaih mek karah, Manipur Lokayukta chuan Nilaini khan state sorkar hnenah mi 22 lakah FIR thehlut turin a ngen a, an zingah hian IAS officer hlui, BJP candidate Dinganglung Gangmei pawh a tel.

Mi 22-te tribal council tana scheme kalpuina tur, cheng vaibelchhe 18 tihchingpen chungchangah thubuai siamsak turin Manipur Lokayukta hian a ngen a ni. Kum 2017-2018-a 14th Finance Commission hnuaia he scheme fund an dawn lai hian Gangmei hi Tamenglong Autonomous District Council (ADC)-ah chief executive officer a ni. Sum tihchingpenna inhnamhnawiha puh mi 22 zingah hian public oficial 11 an tel.

Gangmei hi assembly inthlan lo awm turah BJP chuan party candidate zingah telhin, Nungba Assembly bialah a chuh dawn a ni.