MU zirtirtute leh zirlai ten CM ruahmanna hnawl

Manipur University Teachers Association (MUTA) chuan Inrinni khan Chief Minister N. Biren Singh-a ruahmanna, Vice Chancellor vanga buaina chungchang chinfel tura inbiakna neih a rawt chu an pawm lo tih an sawi.

MUTA hian CM ruahmanna siama an tel theih loh chhan hi sawiin professor paruk leh zirlai 10 zet mai hren an la nih avanga hnawl an nih thu an sawi bawk.

September 20 zanlaiah khan Manipur University buaina kaihhnawihah hian profe­ssor paruk leh zirlai 90 vel zet chu police-te hian an man a, heng zinga mi ṭhenkhat hi tun thlengin chhuah an la ni lo a ni.

Hemi chungchangah hian Biren Singh chuan inbiakna neih a inpeih thu sawiin University professor-te hnenah pawh inbiak sawmna lehkha thawn a inpeih thui a sawi a, hetihlai hian zirlaite leh MUTA lam chuan police in an man te hi chhuah an nih phawt loh chuan inbiakna neih an duh loh thu an sawi ve thung.

CM Singh erawh chuan a ruahman anga inbiakna hi neih a nih chuan police-te an hren mek zirlai te legh professor-te laka FIR thehluh pawh chu an sut leh thei tih a sawi ve bawk a ni.

MUTA chuan fact-finding committee-te chu an thawhpui tawh dawn loh thu an sawi ve bawk a, Inrinni khan mi tam tak chu MU buaina chinfel ngiat hian an pungkhawm a ni.