AP sorkar leh NABARD-in tribal development project hawng

Arunachal Pradesh sorkar leh NABARD chuan NABARD-sponsored integrated tribal development project an hawng.

He project hi tribal chhungkaw 200 ten an chhawr thei dawn a, livelihood programme hmangin an eizawnna kawngah puih an ni ang. He programme hi Namsai Organic Spice and Agriculture Products (NOSAAP) Producer Co. Ltd in a kalpui dawn a ni.

Arunachal Pradesh deputy chief minister Chowna Mein chuan Namsai khuaah project hi a hawng a, he hunah hian NABARD chairman GR Chintala bakah state sorkar official-te an tel.

Mein chuan an state-a hmasawnna hna thawhna kawngah NABARD chu an thawhpui lian leh pawimawh tak a ni tiin, Rural Infrastructure Development Fund (RIDF) hnuaia infrastructure develop­ment programme hrang hranga an puihna avangin lawmthu a sawi bawk.

NABARD chairman pawhin thu sawiin, Arunachal Pradesh chuan agriculture leh horticulture lamah huang zauhna tur tam tak a nei a, an theih anga puih zel an inhuam thu a sawi ve bawk a ni.