Tripura-in national law university hawn thuai thum

Tripura chuan national law university din thuai a tum a, he university dinna tur bill chu assembly session lo awm turah pharh a ni ang.

Official chuan academic session thar atangin law university hi neih theih beisei a nih thu leh, a tirah Tripura Judicial Academy building-ah an awm phawt ang a, building thar sak hunah an insawn ang, a ti.

Tripura law minister Ratan Lal Nath chuan university puitling din a nih theihna tur hian a kaihhnawih official-te hmuin a nawr tawh thu official chuan a sawi bawk.

Law university-a chancellor, vice chancellor leh faculty member-te ruat tur hian state sorkar aiawh, Tripura High Court judge leh legal expert-te awmna committee din a ni dawn a, committee hian course neih tur pawh an tifel nghal ang.