Assam-in sorkar rama chengte hnawtchhuak

Assam sorkar chuan kar liam ta Inrinni khan Barpeta leh Nagaon district-a sorkar rama dan loa chengte a hnawtchhuak a, hei bakah hian Kaziranga National Park-a phalna nei loa resort siam pawh a tichhe bawk.

Barpeta district thuneitute chuan Baghbar area-a chengte hnawhchhuah hna hi tawkin, Nagaon district thuneitute chuan resort pahnih an tichhe bawk a ni.

Bagbar circle official chuan dan loa Satra-a sorkar ram, acre 13-a zaua chengte chu hnawhchhuah an nih thu sawiin, he hmuna cheng zinga a tam zawk chu hnawtchhuah luih ngai loin hriattirna pek an nih hnuah an insawnchhuak tih a sawi.

Nagaon district-ah hian Kaliabor-a Kaziranga National Park-in animal corridora atana a hmanah resort pahnih siam a ni a, hei hi thuneitute chuan Supreme Court thupek angin an tichhia a ni.