India leh Bangladesh sorkarin border haat 6 siamna tur pawm

India leh Bangladeh sorkar chuan Meghalaya-a ramri bazar, border haat pali leh Tripura-a border haat pahnih siamna tur an pawm.

Tripura senior official chuan state sorkar chuan union ministry of commerce and industries hnenah border haat pariat siam belh tura rawtna a thlen thu a sawi. Border haat pakhat siamna atan hian cheng vaibelchhe 5.30 vel sen a ni ṭhin a, ministry of commerce and industries hian cheng vaibelchhe 2.50 vel a pe ṭhin niin a sawi.

Kar liam ta khan Tripura chief minister Biplab Kumar Deb leh Bangladesh commerce minister Tipu Munshi te chuan Kamalpur (India) - Kurmaghat (Bangladesh) ramria border haat siamna tur lungphum an lo phum tawh bawk a ni.