Nagaland: ENPO in State hrang ngiat chhunzawm zel

Nagaland-a Eastern Nagaland Peoples’ Orga­nisation (ENPO) chuan state hran, ‘Frontier Naga­­land' an ngiat chu an chhun­zawm zel a, Naga­land khawchhak lama chengte hmasawnna tur chuan state hran siam chu a pawimawh ber niin an sawi.

Konyak Naga tribe-te festival Lao-ong Mo, Mon town local ground-a lawmnaa thu a sawinaah ENPO president T Ke­kongchim Yimchungru chuan Frontier Nagaland an ngiat chu an tihtur dik tak leh state hran neih chu an dikna chanvo a nih thu a sawi a, India khua leh tui an nihna chu an duhthlanna a nih loh thu sawiin loh theih loh vang a ni zawk tih a sawi bawk.

ENPO president chuan Eastern Nagaland chuan buaina tam tak, socio-economic, hna chungchang a ni emaw, hmasawnna kawngah a ni emaw an neih bakah midangin an enhran ṭhin thu a sawi a, hemi anih avang hian sorkar laipuiin an duh a tihpuitlinsak hma chu an hmalakna chu thlawp zel turin mipuite a ngen bawk a ni.