Sorkar laipuiin Naga buaina chingfel tur council siam maithei

Sorkar laipui chuan Naga buaina chingfel tu tur autonomous council din a remti maithei nia sawi a ni. He council hi din a nih dawn chuan Manipur-ah din a nih dawn thu sawiin remna zawnna kawngah pawh hian hma an sawn viau tih an sawi laiin China an inrawlh thu an sawi bawk.

Naga autonomous district council Manipur-a din chung­chang security official-te chuan an sawilang a, mahse thu­tlukna puitling an siam hma in stakeholder zawng zawng an be rawn hmasa dawn tih an sawi.

Naga talk neihna palai hna thawktu, R.N. Ravi chuan buaina hrang hrang chungchangah hian Naga group-te leh sorkar laipui chuan inremna tam tak an nei tawh tih sawiin a hmawrbawk tak tak hmain sorkar laipui chuan stakeholder-te an be rawn leh vek phawt dawn niin a sawi a ni.

Security official-te chuan sorkar laipui chuan stakeholder zawng zawng pawm tlan tur inremna an duh tih sawiin tum ramri mah tibuai loa inremna siam an tum thu an sawi.

Naga remna zawnga inbiakna kal mekah hian China chu an inrawlh nia sawiin Chinese agency, hmarchhak hel pawl Myanmar-a bu khuar mek te nena inzawmna ṭha tak nei te chu nasa takin an inrawlh tih an sawi bawk.

Official-te chuan sorkar laipui chuan Arunachal Pradesh leh Manipur-ah autonomous council hi din ve ve an tum niin an sawi a ni.

Arunachal Pradesh Assembly chuan Tawang leh West Kameng district-a Mon Autonomous District Council din an lo pawm tawh nghe nghe a ni.