Assam in Myanmar mi pasarih te hnawtchhuak dawn

Assam sorkar chuan Myanmar mi pasarih Silchar-a Cachar district, Barak Valley-a cheng mek te chu October thla chhung hian chhuak turin a hriattir.

Hetihlai hian United Nations High Commissioner for Refugees (UNHCR), UN refugee agency chuan heng mi pasarih te tan hian international protection a ngensak a, thuneitute lam aṭanga chhanna an nghak mek a ni.

Heng mi pasarih te hi 2012 kum khan Foreigners Act palzut vanga man an ni a, an thubuai vanga an tan hun chhung chu a zo tawh dawn niin sorkar official-te chuan an sawi. Sorkar official lam hian thuchhuah siam ṭha duh vak lo mah se Silchar Central Jail official chuan heng mi pasarih te hi Rohingya Muslim an nih thu a sawi.

Border Organisation of the Assam Police official-te chuan heng mi pasarih te hi naktuk hian Maniour-a Moreh kaltlangin an ramah thawn haw an ni dawn tih an sawi a, Bhaskar Jyoti Mahanta, additional director general, Border Organisation chuan hei hi an kaldan phung pangngai a nih thu sawiin Pakistani leh Afghan pakhat ve ve bakah Bangladesh mi 52 tunhnaiah an thawn let tawh thu a sawi a ni.

Rakesh Roushan, Cachar SP chuan Myanmar sorkar aṭangin an awmna hmun pawh hriat a ni tawh tih a sawi.