Nagaland: PDA sorkar kawngpui siamṭhat lamah insawrbing

Nagaland minister Neiba Kronu chuan rorel lai People’s Democratic Alliance (PDA) chu kawngpui siamṭhat lamah an insawrbing tih a sawi.

Minister for Planning Coordination and Land Revenue Neiba Kronu chuan ni 60 chhunga kawngchhia te siamṭhat hna beihpui thlak an tum thu a sawi a, Lok Sabha seat ruak hnawhkhat tura inthlan ṭhatna neih dawn avangin hna ṭan hun tur chu an la sawi ṭha leh dawn tih a sawi bawk.

Kronu chuan state sorkar chuan sorkar laipuiah an ruahmanna pawh an thlen dawn thu sawiin sum leh paia ṭanpuina an ngen dawn tih a sawi.

Sorkar laipui aṭanga ṭan­puina an nghah lai hian an hmanraw neih ang ang hmang ṭangkaiin kawngpui siam hna hi lo ṭan an tum tih a sawi bawk. Kawngpui hman nasat zawng zawng chu siamṭhat vek an tum tih a sawi a, Christmas hma chuan hna hi zawh ngei an tum tih a sawi a ni.