Tripura sorkar in IAS coaching kal 46 sponsor

Tripura sorkar chuan an state chhung zirlaite UPSC exam-a tam zawk an inziah tlin theihna turin IAS coaching kal, zirlai 46 an sponsor.

Sponsorship hmu zirlai te hi indigenous community zirlaite chauh an ni thung a, ram leilung fate zirna lam chawisan tumna kawng khat a ni bawk. Heng zirlai te hi Alternative Learning System Limited (ALS), Agartala-a coaching kal te an ni.

State secretariat-a Thawhṭanni-a press confe­rence neihah Indigenous welfare Minister Mevar Kumar Jamatia chuan sorkar chuan ram leilung fa zirlaite chu zirna kawnga hmasawnna an neih theihna turin hma a lakpui mek tih a sawi zirlai IAS preliminary exam paltlang te chu an exam lehna tur atana an inbuatsaih nan cheng nuai hnih ṭheuh pek an ni dawn tih a sawi bawk.

ALS institute-ah hian Arunachal mi zirlai 62 an awm mek a, heng zinga zirlai 46-te hi Agartala-a kal niin midang 16-te hi New Delhi lama kal an ni thung.

Minister chuan zirlai 46 Agaratala-a kal te hnenah hian cheng 94, 400 ṭheuh an pek dawn thu sawiin Delhi lama kal te erawh hi chu chu cheng nuai 3.18 an pe dawn tih a sawi a ni.

ALS IAS coaching course hi thla kua a ni a, sorkar laipui nen an ṭangkawp a ni. India ram hmun 75-ah branch neiin hmarchhakah bik 35 an nei a ni.