Subansiri Lower Hydropower Project : August thlaah unit hmasa ber hman theih dawn

Arunachal Pradesh deputy chief minister Chowna Mein chuan WM 2,000 siam chhuahna tur, Subansir Lower Hydro-electric Project-a unit pakhatna, MW 500 pe chhuak thei tur kumin August thlaah zawhfel a, hman theih a ni dawn tih a sawi.

National Hydro­electric Power Corporation (NHPC) hnuaia project hi Arunachal Pradesh leh Assam state inrina, Subansiri lui chungah siam a ni a, India rama hydroelectric project lian ber a ni.

Deputy CM Mein hian Pathianni khan main inlet valve assembly hawngin, Subansiri Lower Hydro electric Project hi a tlawh a ni. Mein chuan project thawh mek leh, hmasawn dan hrang hrangte a enfiah nghal a ni. Deputy CM hi agriculture minister Tage Taki; Advisor to Department of Power Balo Raja; MLA Likabali Kardo Nyigyor; MLA Raga Tarin Dakpe; Commissioner of Hydropower P. S Lokhande; CMD NHPC A.K. Singh; Secretary of Power Sang Phuntsok; leh Chief Engineer (Monitoring) R.K. Joshi-ten an ṭawiawm.