AP: Swachh survey-a hmarchhaka district fai ber Tawang

Swachh Survekshan Gramin (SSG)-2018 survey neihnaah Arunachal Pradesh-a Tawang district chu hmarchhaka district fai berah thlan a ni.

Sentum Yomcha, Mission Director, SBM (G) of PHE & WS Department chuan award hi a dawng a ni.

Union Ministry of Drinking Water and Sanitation hnuaia independent agency ruat ten August thla chhung khan survey hi an nei a, district 698 an enfiah tih an tarlang.

Swachh Bharat Mission (Gamin) parameters service level-a hmasawnna bakah mipui punkhawm tamna hmuna faina enfiahna leh mipuite ngaihdan lakna an neih hmang te in survey hi an kalpui.

Union Minister for Drinking Water & Sanitation Uma Bharti chuan Mahatma Gandhi pian­cham vawi 150-na lawmna hun New Delhi-a Nilaini-a neihah award hi a hlan a ni.