Hmarchhaka state fai berah Sikkim thlang

Swachh Survekshan Grameen hnuaia state fai tehnaah Sikkim chu hmarchhaka state fai berah thlan a ni a, Swachh Bharat Diwas lawmna neihah award hi hlan a ni.

Rural Management & Development department hnuaiah Sikkim hian ‘Swachh Bharat Puraskar 2018’ award pahnih an la a, Ministry of Drinking Water & Sanitation, Go­vernment of India in Pravasi Bharatiya Kendra, New Delhi-a Swachh Bharat Diwas lawmna a buatsaihah Thawhṭanni khan lawmman hi an dawng a ni.

Union Minister for Drin­king Water & Sanitation Uma Bharti chuan lawmman hlanna hi neiin Anil Raj Rai, special secretary-cum-mission director, Swachh Bharat Mission (Gramin) Sikkim, RM&DD chuan lawmman hi state aiawh in a dawng.