Hmarchhak CM-ten Shimla-ah meeting nei dawn

Ramchhunga tlang­ram state Chief Minister zawng zawng te chuan nimin leh vawiin hian Shimla-ah ni hnih chhung meeting an nei dawn a, Assam leh Tripura Chief Minister tih loh hmarchhak Chief Minis­ter zawng zawng chu an tel dawn nia sawi a ni.

He thu ziah lai hian report kimchang la hriat la ni lo mah se meeting hi neih ṭan a nih tawh rin a ni. Meeting-a tel tura beisei te zingah hian Himachal Pradesh, Uttarakhand, Sikkim, Arunachal Pradesh, Na­galand, Manipur, Mi­zoram leh Meghalaya chief minister te chu an tel a, Jammu & Kashmir pawhin an aiawh official an tirh rin a ni bawk.

Union minister Kiren Rijiju chuan he meetingah hian sorkar laipui ai a awh dawn a ni.

Meeting-ah hian ramri chungchang te, kawng­pui siam, lei dawh, dam­dawi-in, leh zirna in chungchang te sawiho a ni dawn a, heng bakah hian thil pawimawh dang eng emaw zat an ngaihtuah ho dawn nia sawi a ni bawk.