Swachh Campus Ranking 2018-ah IIT Guwahati pahnihna

Higher Educational Institu­tions-a Swachh Campus Ranking 2018-ah IIT Guwahati chu pa­hnihna a ni.

Swachh Campus Ranking 2018 of Higher Educational Institutions award hlanna ceremony hi Thawh­ṭanni khan New Delhi-ah neih a ni a, Union Human Re­source Development Minister (HRD) Prakash Javadekar chuan category hrang hranga ranking a puangchhuak nghal bawk.

Zirna ina faina kawnga ranking siam hi MHRD ten nikuma an rawt kha niin inthiarna in faina kawng leh enkawl ṭhat danah te, bawlhhlawh paihna ṭhat tawk leh tawk lohah te leh tehna dang dang hmangin an teh a ni.

Sorkar university bikah Har­yana-a Maharashi Dayanand University chu fai berah thlan a ni a, Guru Nanak Dev University, Punjab-a Amritsar ami chu pahnihna a ni thung.

Private University-a residential campus bikah Pune-a Symbiosis International University chu fai berah thlan a ni ve bawk a, OP Jindal Global University, Sonipat chuan dawtin KLE Academy of Higher Education and Research, Belagavi chu pathumna a ni ve bawk a ni.

Private University-a non-residential campus category-ah chuan ITM University, Raipur chu pakhatna a ni thung a, Northcap University, Gurugram leh Dr CV Raman University, Bilaspur chuan an dawt ve leh bawk.

Technical institution bikah chuan Amrita Vishwa Vidyapeetham, Coimbatore chu fai bera thlan a ni a, IIT Guwahati chu pahnihna niin Siksha ‘O’ Anusandhan University, Bhubhaneshwar chu pathumna a ni ve bawk a ni.