Tripura Panchayat by-poll-ah BJP in seat 99.6% la ; Seat hniah inthlan ṭhatna neih a ni dawn

Tripura Panchayat inthlan ṭhatna September 30-a neihah khan sorkar lai BJP chuan seat 99.6% an la a, hetihlai hian Tripura State Election Commission (TSEC) chuan seat hnihah inthlan ṭhat tur a nih thu an sawi.

September 30 inthlan ṭhatna neihah hian BJP chuan village panchayat-ah seat 130 awmah seat 113 an la a ni.

Hetihlai hian BJP thawhpui IPFT chuan seat 9 an la ve bawk a, CPI (M) leh Congress chuan village panchayat seat li ve ve la in CPI (M) chuan panchayat samity-ah seat hnih an la ve bawk.

Panchayat inthlan ṭhatna neihah hian village panchayat seat 3386, panchayat samity seat 161, leh Zilla Parishad seat 18-a ruak a, hetihlai hian village panchayat 3207, panchayat samity 154 leh Zilla Parishad seat awm zawng zawngah BJP hian chuhtu awm loin hnehna an chang a ni.

TSEC chuan seat pa­hnihah polling booth capturing report a awm thu sawiin an enfiah hnuah a dik ngei avangin inthlan ṭhatna hi neih a ni dawn tih an sawi. Hetihlai hian he thu ziah lai hian inthlan ṭhatna tur seat pahnih hi tarlan a la ni lo thung.