Assam sorkarin ram leilung fa Ram nei lote hnenah ram pe dawn

Assam sorkar chuan an state-a ram leilung fa, ram la nei ve lo mi 40,000 hnenah January 28 hian ram a pe dawn. 

Ningani-a Dispur-a chief minister Sarbananda Sonowal hoa meeting-ah he thutlukna hi siamin, January 28-ah ram patta hi pekchhuah an tum. State sorkar chuan disaster management and revenue department hnenah ram nei lote hnena ram patta pek an nih theihna tur hian a ṭul anga hma la turin a hriattir. 

Review meeting-ah hian state chhunga satras leh devalayas-te tan kumtin cheng nuai hnih pek an rel a, state chhunga chhungkaw harsa zawkte tana duan, Arundhati Gold Scheme chu March thla chawlhkar hmasa bera hawn an rel bawk.