NH51 siamna hmanrua ṭha lo hmang

Meghalaya workers association chuan an state chhunga kawngpui, NH 51 siamṭhatnaa an hmanrua leh bungrua hman te chu a quality a ṭha lo hle tih an hmuchhuak.

Kawngpui siamṭhat hna hi CCL company kuta dah a ni.

All Garo Hills Construction Materials Suppliers and Workers Association (AGHCMS&WA) chuan kanwgpui siamṭhat nana an hmanraw hman te chu a quality a chhe hle tih an hmuchhuak tih an sawi a, Chief Minister Conrad K. Sangma hnena lehkha an thawnah CCL hmaraw hman chu a chhe hle tih an sawi a, enfiah an phut thu sawiin a rang thei ang bera hmalak a ṭul tih an hriattir a ni.

Nakkuma kawngpui siamṭhat leh tur National Highway - 62 siamṭhat hna pawh CCL kutah hian pek a ni nghe nghe.

AGHCMS&WA chuan CCL bungraw hman chu Tura leh Dalu inkar Adugre-a an lak thu sawiin henglai vela hmanrua reng reng hi quality ṭha pakhatmah a awm lo tih an sawi a, contractor leh site engineer-te pawh vawi eng emaw zat hmuh an tum tawh thu sawiin an hlawhchham zel tih a sawi. An hmaraw hman ang chu an hman chhunzawm zel chuan kawngpui chu ni rei lo teah a chhe leh mai dawn niin an sawi bawk.

Workers Association chuan kum hnih dawn NH-51 ngaihthah tawh siamṭhat hna ṭan a ni chu lawmawm an tih em em laia hetiang thil a thleng hi pawi an tih thu an sawi a ni.