Nagaland: Dzükou Valley Festival hmasa ber hmang dawn

Nagaland chuan Dzükou Valley Festival hmasa ber an thleng dawn a, festival hi October 19 aṭang hian ṭan a ni dawn a, Dzükou Valley-ah hman a ni ang.

Dzükou Valley hi hmun mawi tak niin Nagaland leh Manipur inrinaa awm a ni a, ramchhung leh rampawn aṭanga khualzin hip tu ber pakhat a ni bawk.

Dzükou festival hi October 19-25 thleng neih a ni dawn a, Nagaland Department of Tourism chu a huaihawt tu ber an ni dawn a, khualzin tam tak an fuankhawm an beisei thu an sawi.

Dzükou Valley hi Japfü Peak hnunga awm a ni a, hmun mawi tak leh hmun nuam tak niin sea level aṭanga km 2452-a sanga awm a ni. Helai hmuna festival hman tumna hmasa ber a ni bawk a, helai hmun mawi tak chawilarna atana hman tum a ni a, sorkar pawhin an theihtawp an chhuah mek niin an tarlang.