Meghalaya hnena Assam khua hlan turah nawr lui lo turin ngen

Assam leh Meghalaya sorkarin ramri buaina chinfelna tura give and take policy an hman turah, Meghalaya lama ramri hrula Assam thingtlang khaw ṭhenkhat beh tir turah tihluihna hmang lo turin state pahnih sorkar an ngen.

All Assam Students Union (AASU), Garo Students Union- Assam State Zone (GSU-ASZ), All Bodo Students Union (ABSU), All Rabha Students Union (ARSU), All Assam Gorkha Students Union (AAGSU) aiawhte chuan Thawhlehni khan Kamrup district-a West Guwahati constituency hnuaia ramria buaina awmna hmun chu an lo tlawh tawh a ni.

Ramri hrula cheng zingah Assam leh Meghalaya lama beh duh hi an awm hrang hlawm a, hei vang hian zirlai pawlte chuan mipuite hi nawr lui lo a, tualchhung mite chu an duhdante sawipui a, kawm phawt turin an ngen. Zirlai pawl aiawhte hian ramri buaina hmun dang tlawh lehin, hemi hnu hian Assam sorkarah report an thehlut ang.