Assam-in Rohingya thawn haw belh dawn

Rohingya mi pasarih Assam aṭanga Myamar-a an thawhlet hnuah Assam sorkar leh Ministry of Home Affairs ṭangkawp chuan Rohingya mi 23 vel thawnlet leh turin hma an la mek.

Assam police-te chuan Rohingya mi thawnlet tur te endik hna hi an ṭan leh tawh a, khawi ram mi nge an ni tih an finfiah tawh bawk. Security thudawnna chuan heng an thawnlet tur te pawh hian an rama kir leh hi an duh niin an sawi.

Security-te chuan heng an thawnlet tur te hi tunah hian Silchar, Goalpara leh Tezpur-a camp-ah an awm mek thu an sawi a, Myammar sorkar lam pawhin an thawnlet tur hi an remti tih an sawi bawk.

Myanmar lam thuneitute pawhin India sorkara ministry of home and external affairs hriatpuina in an rama thawnlet tur te hi an home address an enfiah tawh a ni.

Security-te chuan ṭhenawm ram nodal agency nen an inbiak pawh reng thu sawiin Rohingya mite thawnletna tura hmalakna pawh chu zawhfel a ni ṭep tawh tih an sawi bawk.

Rohingya mi pasarih thawnlet an nih dawn khan UN chuan India chu a lo sawisel tawh a, mahse India sorkar hian an thawnlet ta tho a ni.