Meghalaya sorkarin HNLC hnen aṭangin lehkha a dawng : Meghalaya Home Minister

Meghalaya sorkarin helpawl, Hynñiewtrep National Liberation Council (HNLC) te inremna kawng zawnga inbiakna neihpui a duh thu a sawi hnuah, HNLC hian inbiak an duh thu an sawina, official letter an dawng tawh tih home minister Lakhmen Rymbui chuan a sawi.

Rymbui chuan HNLC hian inremna a awm theihna atana inbiakna neih an duh tih hi Chief Minister Office-ah lehkha thawnin an hrilh a, a copy hi deputy chief minister leh home minister pawh an thawn bawk a ni, a ti. Sorkar lam hian inbiakna neih tura remna palai hna thawk tur hi a zawng ṭan mek a, sorkar laipui lamah pawh inbiak an tum tih an hriattir dawn tih a sawi bawk.

HNLC lam hian inremna a awm theihna atan thu delhkilh engmah siam loa inbiakna neih an duh thu thuchhuah an siam ve bawk tih Minister chuan a sawi. An hmalakna turah hian hlawhtlinna pawh an neih ngei a rin thu a sawi.