FOCUS scheme hi loneitu nuai 4.5-te'n an chhawr thei dawn : Meghalaya CM

Meghalaya chief minister Conrad K Sangma chuan National People's Party (NPP) kaihhruai Meghalaya Democratic Alliance (MDA) sorkarin loneitute puala scheme a siam, FOCUS chu state chhunga loneitu nuai 4.5 chuangten an chhawr thei dawn a ni, a ti.

FOCUS scheme atan hian state sorkar chuan cheng vaibelchhe 200 a ruahman a, nikum September thla khan hawn a ni. He scheme hnuaiah loneitu chu sum lama puihna, Rs 5,000 ṭheuh pek tum a ni.

Kar liam ta khan CM chuan South Garo Hills-a Chokpot-ah, FOCUS kaltlang hian loneitute hnenah hmanrua leh an mamawh dangte a sem a ni. Covid-19 hri leng avanga loneituten an eizawnna kawnga harsatna an tawh leh, an sum lakluh thlenga a nghawng dante an ngaihtuah hnuah, state sorkar chuan he programme hi a siam ta a ni, tiin Sangma chuan a sawi.

He programme kaltlanga hamṭhatna an dawn theihna atan loneitute chu Producers Group siama an awm a ngai a, group tina member-te chuan sorkar atangin Rs 5,000 an dawng ṭheuh ang. Zirtawpni khan CM hian Producers Groups 170 tan cheng vabeichhe 1.2 a sem chhuak a ni.