Tripura BJP MLA hluiin CM Deb leh Emperor Nero khaikhin

Tripura-a BJP MLA hlui, tun hnaia Congress party zawm ta, Sudip Roy Barman chuan Tripura chief minister Bipbal Kumar Deb chu Roman emperpor Nero nen a khaikhin.

"Emperor Nero aia a ṭhatna engmah a awm lo. Ka hmuh hian Emperor Nero kha ka rilruah a lang ṭhin. Nero khan Rome khawpui a kan hluah hluah lai pawhin violin a lo tum mai mai a ni. Mipuite tawrhna leh manganna hriatthiam pui lo roreltu eng ang mi nge?" tiin CM Deb chu Pathiannia Agaratala-a press conference a neihah na takin a bei a ni.

Member 60 awmna, Tripura Legislative Assembly-ah BJP hian seat 36 a nei ṭhin a, mahse an MLA zinga pathum an ban tak avangin tunah hian MLA 33 a nei mek a ni. MLA bang zinga pakhat hian Trinamool Congress zawmin, pahnihin Congress party an zawm a ni.