Nagaland-in TN-ah 'Naga Patient House' sa dawn

Nagaland sorkar chuan Tamil Nadu-ah an state aṭanga dam lo inentira kalte awmna tur, 'Naga Patient House' a sa dawn.

Nagaland PWD (Housing & Mech) minister Topang Ozukum chuan Thawhṭanni khan Tamil Nadu chief minister MK Stalin chu Chennai-a a office-ah hmuin, Vellore-a Naga Patient House sakna tur ram chungchangte a sawipui. Nagaland chief minister Neiphiu Rio chuan February 1 khan Tamil Nadu CM hi lehkha thawnin, in sakna tur ram hi ngaihtuahsak turin a lo ngen tawh a ni.

Tamil Nadu CM nena an inkawmnaah, Nagaland minister Ozukum chuan Covid-19 hri len ṭantirh lama Tamil Nadu state hmun hrang hranga Naga mi 2,000 chuang tangkhangte hruai haw an nih theihna tura ruahmannate siamsak a, theihtawpa an lo puih avangin lawmthu a sawi

nghal bawk.