Assam-in airport leh hospital-a Covid-19 testing rule a titawp

Assam sorkar chuan Covid-19 kaihhruaina dan a siamah, state pawn aṭanga khualzin lut, airport leh rel station-a Covid test nei vek tura a tihna leh, hospital-a inentir turte test nei tura a tihna chu nimin aṭang khan a titawp.

Assam health and family welfare principal secretary, Anurag Goel chuan state chhungah leh India ram pumah hri kai thar an tlahniam zel tih a sawi. Hei vang hian airport, rel station, road border point-a test vek tur tih dan siam chu tihtawp a ni a, mahse symptom neite erawh in test zel tura ngen anni thung tih a sawi. Mahse he dan tihtawp hi state chhung hrileng dinhmun azirin thlak danglam leh theih a ni ang tih a sawi bawk.

Hri lengin ziaawm lam a pan avangin Assam sorkar chuan khuahkhirhna a siam dangte pawh a thlahdul tawh a ni.