AICC-in Meghalaya Congress MLA 5-te suspend a remti

All India Congress Committee (AICC) chuan party thuneitu sang rawn lo a, Meghalaya-a BJP telna, Meghalaya Democratic Alliance (MDA) sorkar an thlawp avangin an party MLA panga-te suspend a remti.

Meghalaya Pradesh Congress Committee (MPCC) chuan AICC hnenah MLA te suspend tura rawtna hi a thlen a ni.

Party senior leader chuan MLA pangate hi suspend-na order hi tihchhuah a nih bakah, show-cause notice pein ni 10 chhungin MDA sorkar an thlawpna an ti tawp dawn nge, an thlawp chhunzawm zel dawn tih sawifiah tura hriattir an ni dawn tih a sawi.

Congress party MLA pangate hian a hmaa engmah sawi lawk loin, MPCC leh AICC pawmpuina la loin National People's Party (NPP) kaihhruai MDA sorkar an thlawp thu kar liam ta khan an puang a ni. Congress MLA te hi - Ampareen Lyngdoh, Kimfa Marbaniang, Mayralborn Syiem, PT Sawkmie leh Mohendro Rapsang-te an ni. MLA-te hian MDA sorkar thlawp mah se Congress party an chhuahsan lo tih sawiin, an thutlukna hi state tan leh an party tana ṭha zawk tur a nih thu an sawi a ni.