Nagaland-in SAAF cross country championship thleng dawn

Nagaland Athletics chuan March 26 aṭangin 2nd South Asian Athletic Federation (SAAF) Cross-country championship leh 56th National Cross Country athletics Championships an thleng dawn tih a puang.

Championship hi January 15-a neih tura ruahman a ni a, mahse Covid-19 hri leng vangin a hun hi sawn hlat a ni. Nagaland sorkar an biakrawn hnuah Thawhlehni khan a hun tur hi an tifel ta a ni.

Nikum October thla khan Nagaland Athletics chuan national championship an thlen tur thu hi a lo puang tawh a, a hnuah national championship rual hian South Asian Cross Country Championship neih tel a ni dawn tih an puang zui leh bawk.

Championship hi Kohima-a Indira Gandhi Stadium-ah neih a ni dawn a, South Asia ramte pawhin an athlete leh official-te tel tur thu pawh an tichiang tawh bawk. AFI hnuaia affiliated unit leh association zawng zawng pawhin an tel dawn tih an sawi bawk a ni.