Assam Governor-i'n 'Bodoland Super 50 Mission' a hawng

Assam governor Jagdish Mukhi chuan Thawhlehni khan Bodoland Territorial Region (BTR) hotu Pramod Boro-a'n competitive examination hmachhawn tum Bodo ṭhalaite tana a duan, 'Bodoland Super 50 Mission' a hawng.

BTR thuneitute chuan Assam-a Bodo hnam chen tamna bial district pangaa dinhmun harsa zawk, Bodo ṭhalai zinga engineering zir duhte puihna turin he ruahmanna hi siam a nih thu an sawi.

Governor chuan ṭhalaite mamawh tak programme duan a ni chu a lawmawm hle tih sawiin, Bodoland hmasawnna atan chuan midang rinchhan loa intodelh theih a pawimawh tel tih a sawi.

Bodoland Super 50 Mission hian IIT, NIT leh engineering institution ṭhaa zir duh, BTR huam chhunga zirlaite hnenah thla 11 chhung high-quality free residential coaching leh mentorship programme siam a tum bawk a ni. Kumtinin he programme kaltlang hian district 10 aṭangin zirlai 50 thlanchhuah ṭhin an ni ang.