Assam-in state chhunga khua/hmun hming hrang hrang thlak tum

Assam chief minister Himanta Biswa Sarma chuan an state chhunga khua leh hmun hming hrang hrang chu an hnam zia leh nunphung nena inmil tura thlak tum a nih thu nimin khan a sawi.

Chief Minister Sarma chuan hemi chungchang hi a twitter-ah tarlangin, khua/hmun hming thlakna tura rawtna hrang hrang thehluh theihna tur portal siam a nih tur thu a sawi bawk. "Hmun tam takah Assam mipuite nena inmil lo, mipuite pawh sawichhuah nuam an tih loh leh hnam ṭhenkhat tana ngaihthlak hrehawm tak hmun hming vuahte a awm. Hengte hi thlak a ngai a ni," tiin entirna atan Kalapahar a hmang bawk. "Kalapahar hian Kamakhya Temple a tichhe vek a, hei vang hian eng khua mah hi Kalapahar tia phuah a nihna chhan tur a awm lo. Mipuite ngaihdante lak anih hnua he hming pawh hi paihbo a ni ang," tiin a sawi.

Nikum September thla khan Assam cabinet chaun Rajiv Gandhi National Park chu Orang National Park tiin a lo thlak tawh a, hei hian sawiui pawh a hlawh hle. Mahse CM chuan hei hi tea tribe community ngenna avang a nih thu a sawi a ni.