Nagaland sorkarin tuialhthei chhiah tisang

Nagaland chuan kar liam aṭang khan state chhunga petrol, diesel leh motor spirit-a chhiah a lak a tisang a, hei hi eptu pawl Naga Peoples' Front (NPF) chuan na takin sawiselin, sut turin sorkar an phut nghal a ni. 

Chief minister Neiphiu Rio chuan tuialhtheia chhiah lak an tihsan chu dan pangngai a ni tih sawiin, chhiah hi tisang mah se an ṭhenawm state dangte ngaihtuahin an chhiah lak chu a la hniam zawk tih a sawi. 

State sorkar chuan diesel-a chhiah a lak hi 14.5% aṭangin 17.5% ah a tisang a, petrol leh  motor spirit-a chhiah a lak chu 25% aṭangin 29.80% ah a tisang bawk a ni.