AP College-in Delhi-a institute pahnih thawhpui dawn

Arunachal Pradesh-a Dorjee Khandu Government College (DKGC) chuan Delhi-based institute pahnih - University of Delhi leh Hindu College-te chuan zirna kawnga an college hmasawnna tura thawhpui turin Memorandum of Understanding (MoU) a ziahpui.

Tawang district a awm, DKGC hian Vidya Vistar Schemrt (V2 Scheme) hnuaiah University of Delhi chu college leh department hrang hrangte inthlunzawmna turin MoU hi a ziahpui a ni. He scheme hnuaiah hian University of Delhi hnuaia Hindu College chuan DKGC hmasawnna turin academic resource leh facility lamah a lo pui bawk ang. DKGC hi central university, Rajiv Gandhi University hnuaia awm a ni.

An thawhhona hnuaiah hian institute-te hian DKGC faculty member tan online leh offline lecture, workshop, training, meeting leh programme dangte an buatsaih ṭhin ang. Joint research neihte pawh an tum bawk.

Arunachal Pradesh chief minister Pema Khandu chuan zirna inten thawhhona tur an siam chu lawmawm a tih thu sawiin, hei hi state leh Delhi-a zirlaiten an hlawkpui a, inpumkhatna ṭha a siam ngei a beisei thu a sawi.AP College-in Delhi-a institute pahnih thawhpui dawn