Assam-in Kaziranga National Park zauh dawn

Assam sorkar chuan Wild Life (Protection) Act, 1972 Section 35 hnuaiah Kaziranga National Park ram belhna tur 10-na a siam dawn.

Biswanath district-a deputy commisisoner Park ram belhna tur hmun atana ruahman hi enfiah leh zirchiang tura ruat a ni.

State sorkar mipuite hnenah pawh Park belhna tur ram an ruahmanah ram an nei a nih chuan thla hnih chhunga ziaka thehlut turin a hriattir.

Kaziranga National Park zauhna tura ruahman hi Brahmaputra hmarlama luikam, ram hectare 452-a zau a ni. He ram hi telh anih hunah chuan KNP zau zawng hi square km 914 a ni tawh ang. An ram zauhna tur lamah hian kum 1960 chho aṭang khan Assam sorkar chuan thing a lo phun tawh a ni.