Sikkim CM in Hmasawnna ngialnghet ngaipawimawh
Sikkim Chief Minister Pawan Chamling Thawhlehni khan The Eastern & Northeastern Region Policy Dialogue on “Making Liveable Cities: Challenges and Way Forward”, Gangtok-a Chintan Bhawan-ah hawngin, Sikkim chu hill station fai ber leh ralmuang ber a nih bakah ramchhunga hmun hring ber a nih thu a sawi.
He huna tel ve scientist, expert, technocrat, architect leh ramchhung hmun hrang hrang aṭanga official kalkhawmte chu lawmthu hrilhin, an policy dialogue “Making Liveable Cities” chu hmarchhak tana khawpui ngialnghet dinna atan a pawimawh hle dawn tih a sawi bawk.
Pawan Chamling chuan khawpui dinin eco-system-a nghawng a neih theih dan te hriatthiam a pawimawh thu sawiin hmangraltu an tam a, natural resource leh chemical lam thil nasa taka kan hman chuan mihring te mai bakah nungcha leh enviroment thleng pawhin a nghawng thei tih a sawi. Sik leh sa inthlak chu thil ngaihtuah vat ngai a nih thu leh thil lak thutak ngai tak a nih thu a sawi a ni.
Chamling chuan khawpui dinin biodiversity a nghawng nasat zia chu uluk taka ngaihtuah a pawimawh thu a sawi bawk. Khawpui din dawna ruahmanna siamtu te leh scientist-te pawhin chumi ngaihtuah chung renga khawpui ngialnghet leh hmasawnna ngialnghet thlen thei bawk si an ngaihtuah a ṭul tawh a ni, a ti.