Nagaland-in sorkar hnathawkte lakah 'No work, no pay' rule khauh takin hmang dawn

Nagaland sorkar chuan state chhunga Covid-19 hri lengin zia­awm lam a pan tawh avangin, sorkar hna­thawkte lakah 'no work, no pay' rule chu khauh takin a hmang dawn tih a sawi.

Nagaland chief sec­retary J Alam hoa kar liamtaa Administrative Head of Departments (AHoD) leh Head of Depart­ment (HoD) ten meeting an neih­ah, Secretariat leh Direc­torate-a officer leh staff kal dan chungchangte an sawiho a ni.

Chief Secretary chuan hri leng dinhmun a ziaawm tawh avangin, sorkar office hrang hrangte chu dan pangngai anga hna thawk vek tawh turin a ti.

Alam chuan state sorkarin sorkar hna­thawkte hlawhah thla tin sum tam tak a sen avangin, office kal ṭha lo, sorkar hnathawkte chu an hlawh hreksak an ni ang, tiin a sawi.

Sorkar office tinah thawktute office kal dan leh, office timing-te chu khauh taka enfiah zel turin an ti bawk.