Meghalaya sorkarin ILP chungchang Amit Shah sawipui leh dawn

Meghalaya deputy chief minister Preston Tynsong chuan an state-a Inner Line Permit (ILP) system hman an phut chungchang chu union home minister Amit Shah an sawpui leh dawn tih a sawi.

Deputy Chief Minister chuan Amit Shah meeting an neihpui ni tur hi tihfel a la ni lo a, Union Minister hian a remchan ni tur a rawn thlang dawn a ni, a ti. Meeting an neih hunah hian ILP chungchang bakah, issue dang la tikhawtlai mekte pawh an sawipui nghal dawn tih a sawi a ni.

Kum 2019 kumtawp lam aṭang khan Citizenship Amendment Act (CAA) duh lohna leh, ILP hman phutna lantirnaah Meghalaya-ah hian buaina a lo chhuak fo tawh a ni. Kum 2020 ah pawh lungawi lohna lantir chhunzawm leh ni mah se, Covid-19 hri leng vangin nawrh huaihawt thawm erawh a reh chho deuh a ni.