Tripura-a Sabroom-ah water treatment plant siam remti

Indo-Bangla joint meeting, kar liamtaa neih chuan South Tripura district-a Sabroom-ah water treatment plant siam a remti.

Sabroom civic body huamchhunga chengte tana pawimawh tak, water treatment plant siam tumna hi kum 2012 atang khan Bangladesh-in a dodal avangin tun thlengin tihkhawtlai a ni.

Bangladesh chuan Sabroom-a 28.32 litre per second water treatment plant siam turah hian Sabroom aṭanga Bangla­desh-a luang, Feni lui tui hman a nih dawn avangin a dodal reng a ni. Hei bakah hian Bangladesh Border Guard (BGB) chuan plant siam tumna hian Indo-Bangla border a hnaih avangin an duh lo bawk.

Kar liamtaa Indo-Bangla joint technical meeting-ah plant siam tum chungchang hi sawiho lehin an inrem thei ta a ni. Mahse Bangladesh chuan plant hi ramri hungna, barbed wire fencing aṭanga metre 10-a hla, lui aṭanga meter 25-a hlaa siam turin an phut ve thung a ni. Thuneitu sang lamah hemi chungchang hi sawipui an tum thu leh, an thutlukna pawh Tripura water resource department hnenah a rang thei anga hriattir a nih tur thu an sawi.