Assam-in Kamkhya Temple Road hming thlak tumna sut leh

Assam sorkar chuan Kamakhya Temple panna kawngpui, Swami Muktananda Saraswati hming chawia phuah a tum chu mipui lamin an sawisel nasat avangin a sut leh.

Nilachal Hill-a Kamakhya temple panna hi puithiam hming chawi hian phuah a tum a, social media lamah mipuite ngaihdan an zawnt nghal a ni. Mahse state mipui tam zawk chuan an sawisel nghal a, an hming chawitir turm hi Assam leh, Assam mipui nena inzawmna engmah a nei lo a ni tiin an duh loh thu an tarlang hlawm a ni.

State housing and urban affairs department minister Ashok Singhal chuan Pandu Ghat kaltlanga Kamkhya panna kawngpui, 'Swami Muktananda Saraswati Path' tia vuah tum chu mipuite an duh loh avangin sut leh nghal a ni tih a sawi a, mipuite duhdan chu an ngai pawimawh hle tih a sawi nghal bawk.