Manipur-ah hel pathum man

Manipur police-te chuan state chhung hmun hrang hrangah hel pathum security force-ten an man thu Inrinni khan an sawi.

Superintendent of Police, Tengnoupal, S Ibomcha Singh chuan Inrinni khan Kangleipak Communists Party (KCP) hel mi pakhat chu ramri-a beihpui an thlaknaah Moreh khuaah an man tih a sawi a, Manipur police leh Assam Rifles ṭangkawp te chuan People Liberation Army (PLA) hel pawl mi Thoubal district Phoudel Kairembi area-ah Zirtawpni khan an man bawk.

Kanglei Yawol Kanna Lup hel pawl mi pakhat Manipur police leh Assam Rifles ṭangkawp te chuan Kakching district-a Kakching Bazar area-ah an man bawk niin police-te chuan an sawi a ni.