Nagaland in sports policy thar nei dawn: CM Rio

Nagaland Chief Minister Neiphiu Rio chuan Inrinni liamta khan Nagaland sorkar chuan sports policy thar an hman dawn thu leh policy tharah chuan ṭhalai infiamna lama ke pen te promote an ni dawn tih a sawi.

Neiphiu Rio chuan Nagaland chu Assam tih loah chuan hmarchhaka state upe ber ni mah se Nagaland Olympic Asso­ciation chu Indian Olym­pic Association hnuaiah 2004 khan an inziaklut thei chauh tih sawiin, state an nih aṭanga kum 41 hnuah an inziak lut chauh tih a sawi bawk.

Nagaland Badminton Association (NBA) in an buatsaih Dimapur District Badminton Association indoor stadium, Dima­pur-a NE-Zone Inter-State Badminton Cham­pionship kharnaa thu a sawinaah Rio chuan infiamna lamah an din­hmun chu a tlahniam tih sawiin sorkar chuan policy thar nen hma thar an la dawn tih a sawi a ni.