Tripura CPI(M)-in mega rally huaihawt dawn

Tripura-a eptu pawl, Communist Party of India - Marxist (CPI-M) chuan kum 2018 assembly inthlana an chak loh hnua a ṭum khatna atan, February 24 hian state khawpui Agartala-ah mega rally an huaihawt dawn.

Rally hi party-in ni hnih awh state conference an neih tur puala huaihawt a ni dawn a, Agartala-a Vivekananda Ground-ah neih a nih tur thu CPI(M) state committee member Pabitra Kar chuan a sawi.

Party general secretary Sitaram Yechury leh politburo member Prakash Karat bakah, chief minister hlui Manik Sarkar leh state secretary Jitendra Chaudhury-ten rally hi an hmanpui dawn a ni.

State conference-ah hian nakkuma Tripura assembly inthlan neih tur chungchangte an thlir lawk dawn bawk.

Rally neih tur hi a hlawhtlin theihna turin state chhung hmun hrang hrangah campaign an nei mek bawk.