AP : CAA duh loh vangin NPP hruaitu a bâng

Arunachal Pradesh-a Natio-nal People's Party (NPP) senior leader, Nabam Vivek chu Citi­zenship (Amendment) Act duh loh vangin an party aṭangin a bang. 

CAA chuan hmarchhak dinhmun a thlak danglam vek dawn tih sawiin, CAA chung changa NPP national president Conrad Sangma-a'n a ngaihdan a thlak leh chu a banna chhan ber a nih thu a sawi. 

State NPP president hnena banna lehkha a thehluhah, Vivek chuan an party thuthlung chu a rin ngam tawk avangin Doimukh-ah pawh NPP hmingin a ding ve tawh tih a sawi. Mahse tuna NPP-in CAA chungchang a kalpui dan chu a thlawp ve thei lo tih sawiin, Tura MP Agatha K Sangma pawh inthliarhranna dan thlawp zawnga Parliament-a vote a pek avangin a dem tak zet tih a sawi bawk.