Assam NRC claims and objection siam Nuai khat chiah la awm

Kumin July 39-a Assam NRC final draft list tihchhuah a nih khan mi nuai 40 chuang lai mai hming a awm lo chungin list-a telh leh duh leh tihdik ngai inziaklut, claims and objection thehlut mi nuai khat chiah an la awm.

Supreme Court chuan claims and objection hi enfiahin October 23 hian hemi chungchanga hearing hi neih leh a ni ang.

The Assam Tribune chuan mi nuai khat vel chauhin claims and objection hi an buaipui tih ziakin, September 30 aṭang khan claims and objection tih hun hi hawn a ni a, November 30 thleng hun hawn a ni dawn a ni.

Assam NRC draft tihchhuah a nih khan pawl hrang hrangin ramdang mi draft list-a tel an awm thu sawi mah se objection siam hun hawn chhung hian helam hawi objection siam an la awm lo a, objection hrim hrim pawh hi 40 vel chiah thehluh a la ni bawk.

Thudawnna ṭhenkhat chuan objection siam dawn hian an objection siamna tur te Application Receipt Number (ARN) hriat a ngai niin an sawi a, ARN hi thil neih harsa erawh a ni lo thung niin an sawi. Supreme Court thupek angin Deputy Commissioners leh Sub Divisional Officer te office-ah NRC list kimchang hi a hardcopy in dah vek a ni tih an sawi bawk a ni.