India rama CM ṭha ber pathumna Manipur CM: India Today

India Today in survey a neihnaah Manipur Chief Minister N. Biren Singh chu India rama chief minister ṭha ber pathumnaah a ni.

India Today group in survey an neihnaa Biren Singh CM ṭha ber pathumna a ni phak chu Governor Najma Heptulla chuan a lawmpui thu sawiin Thawhṭanni khan lawmpuina a hlan.

Heptulla hian Thawhṭanni khan Biren Singh hi Bhavan-ah a lawmpuina hlanin chief minister ṭha ber zinga a lang phak chu a phu hle niin a sawi a, kum khat leh a chanve chhung leka hetiang dinhmun a din theihna aṭang hian a kaihhruai sorkar chuan state ṭhatna atan nasa takin a thawk tih a lang a ni, a ti.