Sikkim-ah SGAY in 3,000 chuang sa dawn

Sikkim flagship programme, Sikkim Garib Awas Yojana (SGAY) hnuaiah chenna in 1,949 sak a ni tawh a, March thlaah in 3,050 sak zawh hman tum a ni.

SGAY hi state sorkar flagship programme, thingtlanga cheng mi rethei leh dinhmun chhe zawkte chawikanna tura a ruahman a ni. He scheme hmang hian mi retheite chenna in tur sak sak a, khawsakna atana mamawh zualpuite pek tum a ni. Kumin March 31-ah in 3,050 hi sak zawh tum a ni a, constituency tinah in 100 chuang dawn sak a ni.

Rural Development Department principal secretary hoa coordination meeting neihah SGAY in sak hna thawh mekah hmasawnna dan hrang hrangte sawiho a ni. Principal Secretary chuan sak tur hmabak la awm chu hun tiam chhung ngeia zo hman tura ṭan la turin agency-te a chah bawk.