Tripura BJP hruaitute'n state party president bang turin phut

Tripura-a rorellai, BJP hruaitu zinga eng emaw zat chuan state party president Manik Saha chu bang turin an phut.

BJP hruaitu 15-te chuan Manik Sahi hi lehkha thawnin, a post aṭanga bang turin an phut thu an hrilh. An zingah hian minister Ram Prasad Paul pawh a tel. Midangte pawh hi party state unit-a office bearer lo ni tawh vek an ni.

Manik Sahi hnena lehkha an thawnah, BJP hruaitu hlunte chuan thla 26 chhung Tripura Pradesh BJP president-a nih chhungin an party chuan an chhiatpui hle niin an sawi a, hei chauh ni loin an party chhunga innghirnghona awm chhoin, BJP mi leh sate intihbuaina thlenga police inrawlh ngaihna te a awm a, hei hi thil zahthlak tak a ni, an ti. 

Party chhunga buaina awmte hrechiang leh enfiah turin state president hi district hrang hrangte a tlawh kual ṭha lo a, buaina chinfel dan tur pawh a ngaihtuah peih lo niin an puh. Saki kaihhruaina hnuaiah Tripura chu rorellai party-in kum thum chhung leka autonomous district council (ADC) election-a hnehna an chan lohna awmchhun a ni, an ti.