Assam civic poll : Congress-in an party candidate-te vauah BJP puh

Assam Pradesh Congress Committe (APCC) chuan March 6-a state chhunga municipal board 80-a inthlan neih tura an party candidate-te vauah rorellai, BJP a puh.

Assam State Election Commisison hnenah lehkha a thehluhah, APCC general secretary (administration) Apurba Kumar Bhattacharjee chuan civil poll neih tura an party candidate-te chu venhimna ṭha zawk pe turin a ngen a ni. 

Municipal board hrang hrangah an party candidate-te bakah an chhungte thlengin vau leh hrawk an tawk fo niin a sawi. "Rorellai party hruaitute chuan an party worker-te chu Congress candidate-te an vau tir a, hmun ṭhenkhatah phei chuan INC candidate-te in bulah te pungkhawmin, an nomination hnukdawk tur tein an nawr a ni, " a ti. 

Hei bakah hian BJP mi leh sate chuan mipuite hnenah vote an thlak laiin BJP an vote ngei a ni tih lanna tura an mobile-a thla la turtein an ti bawk niin a sawi. Hei hi dan kalh a nih a, hetiang thil ti tawh lo tura dang turin a ngen bawk.