Meghalaya hel man an duh ber Dy. CM kutah inpe

Meghalaya-a Hyn­niew­trep National Libe­ration Council (HNLC) hel pawl General Secre­tary chu Deputy Chief Minister, Prestone Tynsong leh DGP, RP Agarwal-te kutah Ningani khan a inpe.

HNCL General Secre­tary inpe hi Cherishsterfield Thangkhiew niin HNCL-ah hian 1987-a Hynniewtrep A’Chik Liberation Council (HALC) tih a nih hunlai khan a inpe a ni. Amah hi Shil­long-a Mawlai Kynton Mas­sar mi niin kum 51 mi a ni.

HALC hel pawl hi tihtawp a nih tak avangin 1997 khan HNCL hi an din leh a, GS dinhmun hi a chelh chhunzawm ta ngar ngar a ni.

2004 kum khan India chhuahsanin Bangladesh a pan a, Ningani-a a inpek hma hi chu Bangladesh-ah hian a awm char char niin an sawi.