BRICS ram zinga ranking-ah Tezpur University 146-na

Brazil, Russia, India, China leh South Africa intelkhawm, BRICS ram zinga University ranking-ah Assam-a Tezpur University chu 146-na a ni pha.

Central university thuchhuah siamah chuan BRICS ram te zinga university ranking 400 tihchhuah zingah Assam-a Tezpur Univeristy chu 146-na a nih thu tarlan a ni a, ranking hi nakkum, 2019 atan a nih thu tarlan a ni bawk.

Tezpur University hi 2017-18 ranking-ah khan 171-180-na inkarah a awm a, tuna ranking hi October 15 khan tihchhuah a ni.

Ranking hi British higher eductaion marketing company Quacquarelli Symonds (QS) siam niin kum hmasa lamah khan institution 300-ah ranking an siam thung.

Central university thuchhuah chuan BRIC hian indicator pariat hmangin an endik tih tarlangin academic and employer reputation, faculty-student ratio, papers per faculty, citations per paper, staff with PhD, a proportion of international faculty leh proportion of international students te hmangin ranking hi an siam a ni.

India institution zinga top 20-a lang zingah IIT-Bombay chu pariatna a ni a, IISc-Bangalore chu 10-na niin IIT-Madras chu 17-na an ni thung a, IIT-Delhi chu 18-na an ni ve bawk.